ICCI 2026 Yangi O`zbekistonning kelajak arxitekturasi va rivojlanish ko`lamini belgilab berdi

Matbuot relizlar

ICCI 2026 Yangi O`zbekistonning kelajak arxitekturasi va rivojlanish ko`lamini belgilab berdi

7-O'zbekiston qurilish sanoati Xalqaro anjumani — ICCI 2026 10–11 fevral kunlari Toshkentda Oʻzbekiston qurilish va interyer haftaligi «Uzbekistan Construction and Interior Week» doirasida keng koʻlamda boʻlib oʻtdi.

Anjuman Qurilish va interyer haftaligining asosiy tadbiri – 27-Oʻzbekiston "Qurilish – UzBuild 2026" xalqaro koʻrgazmasini mukammal ravishda toʻldirib, koʻrgazma uchun biznes muhokama maydonchasi boʻlib xizmat qildi va mutaxassislarga keng koʻlamli qurilish loyihalarini amalga oshirish uchun zamonaviy texnologiyalar, innovatsion yondashuvlar va yetakchi amaliyotlarni oʻrganish imkoniyatini berdi.

Anjumanning bosh homiysi — ÇELİKER HOLDİNG – Oʻzbekistonda infratuzilma va yer usti qurilish loyihalarini amalga oshirishda yetakchi turk kompaniyasi.

Qurilish sohasidagi soʻnggi tendentsiyalarni aks ettiruvchi bu yilgi konferensiya «Yangi Oʻzbekiston: Gʻoyalardan keng koʻlamli yechimlargacha» mavzusiga bagʻishlandi.
Tadbirda oltita mamlakatdan — Gruziya, Qozogʻiston, Rossiya, Turkiya, Oʻzbekiston va Yaponiyadan — 37 ta kompaniya va 39 ta spiker ishtirok etdi. Tadbirda 16 mamlakatdan 450 delegat ishtirok etdi: Afgʻoniston, BAA, Belarus Respublikasi, Chexiya Respublikasi, Eron, Fransiya, Gruziya, Koreya Respublikasi, Qirgʻiziston, Qozogʻiston, Rossiya, Tojikiston, Turkiya, Xitoy, Yaponiya va Oʻzbekiston.

Anjumanga boʻlgan ulkan qiziqish ICCI yalpi sessiyalar, panel sessiyalari, taqdimotlar va ekspert fikrlarini birlashtirgan koʻp qirrali platforma ekanligini, mutaxassislarga qurilish sohasidagi eng soʻnggi tendentsiyalar va tasdiqlangan amaliyotlar bilan tanishtirishini koʻrsatdi. Davlat idoralari, soha uyushmalari vakillari, developerlar, quruvchilar, bankirlar va yetakchi bozor mutaxassislari ikki kun davomida anjuman doirasida uchrashdilar.

Anʼanaga koʻra, anjuman yalpi majlis bilan boshlandi, unda tadbir ish yoʻnalishi va asosiy mavzulari belgilandi. «Oʻzbekistonning dinamik rivojlanishida qurilish sektori» deb nomlangan sessiya milliy uy-joy va infratuzilma dasturlari, kelajak arxitekturasi va «Yangi Oʻzbekiston» loyihasiga bagʻishlandi. Spikerlar orasida — Oʻzbekiston Respublikasi Qurilish va uy-joy kommunal xoʻjaligi vazirligi, «Yangi Toshkent» shahrini barpo etish direksiyasi, Haftalik homiysi Çeliker Holding, KNAUF Uzbekistan, BCG Middle East va Commonwealth Partnership Uzbekistan vakillari.

Konferensiya doirasida barqaror qurilish va Yangi Toshkent megaloyihasini rivojlantirish, keyingi avlodning developmenti va zamonaviy shahar muhitini yaratish, shaharlarda transport, muhandislik va ekologik infratuzilmani rivojlantirish, innovatsion materiallar, sanoat avtomatlashtirish va xalqaro hamkorlik kabi mavzular boʻyicha panel va fokus sessiyalari ham boʻlib oʻtdi.

Haftalikning dolzarb mavzulari misli koʻrilmagan rezonansga ega boʻldi: tadbir 84 ta manba, jumladan, hukumat va xalqaro tashkilotlar, diplomatik vakolatxonalar, yirik kompaniyalar va xoldinglar, uyushmalar va hokimiyatlar, banklar, koʻplab blogerlar va 33 ta mahalliy va xorijiy ommaviy axborot vositalari tomonidan yoritildi. Haftalik tashkilotchilarining ijtimoiy tarmoqlardagi faoliyati tadbir kunlari davomida 7 500 dan ortiq obunachilarni qamrab oldi va umumiy auditoriya soni 6 581 600 dan oshdi.

Ishtirokchilar va tashrif buyuruvchilar anjumanning muvaffaqiyati haqida soʻzlab berishdi.

Oʻzbekiston Respublikasi Qurilish va uy-joy kommunal xoʻjaligi vazirligi, Saidnosir Usmonov, vazirning axborot siyosati boʻyicha maslahatchisi:

«Anjuman Qurilish va uy-joy kommunal xoʻjaligi vazirligi, qurilish va arxitektura uchun masʼul tegishli idoralar hamda sohada faoliyat yurituvchi qurilish tashkilotlari oʻrtasida samarali muloqot maydoniga aylandi. Anjumanda aniq masalalar koʻtarildi. Turli tashkilotlar vakillari mavjud muammolarni va ularni hal qilish uchun koʻrilayotgan choralarni bayon qilishdi, bu esa mutaxassislar tomonidan tasdiqlandi».

«Yangi Toshkent» direksiyasi, Azizbek Omonov, department boshligʻi:

«Bizning faol ishtirokimizning asosiy maqsadlaridan biri Oʻzbekistonda va butun dunyoda qurilish sohasida sodir boʻlayotgan barcha innovatsiyalar, ilgʻor texnologiyalar va jarayonlardan xabardor boʻlishdir. Konferensiyaning muntazam oʻtkazilishi nafaqat hukumat va Qurilish va uy-joy kommunal xoʻjaligi vazirligi uchun, balki quruvchilar, buyurtmachilar, qurilish mahsulotlari ishlab chiqaruvchilari, qurilish sanoatini tahlil qiluvchi mutaxassislar va moliyaviy tahlilchilar uchun ham katta foyda keltiradi. Qurilish anjumanining mavzusi 2025–2030 yillarda mamlakatimizda yangi texnologiyalarni joriy etish va qurilish loyihalarini amalga oshirishning oʻziga xos jihatlariga bagʻishlangan. «Yangi Toshkent» loyihasi doirasida amalga oshirilayotgan keng koʻlamli qurilish ishlari, qoʻllanilayotgan qurilish standartlari va joriy etilayotgan yangi texnologiyalar ushbu muhokama mavzusiga toʻliq mos keladi».

Çeliker Holding, Emrah Çeliker, Direktorlar Kengashi Raisi:

«Men Oʻzbekistonda 15 yildan beri ishlab kelmoqdaman va ishonchim komilki, bu Markaziy Osiyoda keng koʻlamli qurilish sanoatiga ega oʻsib borayotgan yulduzdir — shuning uchun biz anjuman va koʻrgazmaning bosh homiysi boʻldik. Bugungi kunda biz nafaqat qurilish kompaniyasi, balki developer va loyiha ishlab chiquvchimiz va biz uchun bunday yirik sanoat tadbirlarini qoʻllab-quvvatlash muhimdir. Ular qurilishning kelajagi va butun sohaning rivojlanishini muhokama qilish uchun mutaxassislarni birlashtiradilar».

TBC Bank Oʻzbekiston, Spartak Tetrashvili, Boshqaruv raisi:

«Qurilish sanoati anjumani yettinchi marotaba oʻtkazmoqda. Men ICCI nafaqat Oʻzbekistonda, balki butun dunyoda ham muhim ahamiyat kasb etayotganini koʻrmoqdaman. Bugun gruziyalik hamkasblarimiz bilan ulkan salohiyatga ega boʻlgan Oʻzbekistonda tez rivojlanayotgan qurilish bozoriga kirish yoʻllarini muhokama qildik. ICCI bozor tadqiqotlari uchun juda yaxshi platforma. Tashkilotchilarga bunday muhim hissa uchun minnatdorchilik bildiraman».

2027 yil 16–17 mart kunlari boʻlib oʻtadigan ICCI 2027 da ishtirok etish uchun arizalar qabul qilinmoqda.
Arizani icci.uz veb-saytida yoki +998 71 205 18 18 telefon raqami orqali topshirishingiz mumkin.